ԶԼՄների հետ աշխատանքի ուղեցույց

«Երևանի կենդանաբանական այգի» ՀՈԱԿ-ի (այսուհետ՝ Կենդանաբանական այգի) անձնակազմը բարձր է գնահատում լրատվամիջոցների դերը իր գործունեության ապահովման հարցում և հավատարիմ է թափանցիկության և խոսքի ազատության ապահովման սկզբունքներին:

Հաշվի առնելով, որ լրատվամիջոցները պատասխանատվություն են կրում հասարակության առջև՝ նպատակ ունենալով ունեցած ռեսուրսները ծառայեցնելու հասարակության լայն շերտերի իրազեկմանը, Կենդանաբանական այգին սույնով տեղեկացնում է իր ներքին կանոնակարգերի մասին, որը կնպաստի լրագրողների կողմից հավաստի և ճշգրիտ տեղեկություններ ստանալուն, հանրությանը իրազեկելուն, ինչպես նաև  Կենդանաբանական այգու գործունեությունը թափանցիկ լուսաբանելուն՝ խուսափելով ապատեղեկատվություն տարածելուց և ղեկավարվելով «Զանգվածային  Լրատվության մասին»  ՀՀ օրենքի դրույթներով

Տեղեկությունների տրամադրման  հայտ

Երևանի կենդանաբանական այգի ՀՈԱԿ-ը փորձում է հնարավորինս արագ պատասխանել լրատվամիջոցներից ստացվող բոլոր հարցումներին՝ ղեկավարվելով «Տեղեկատվության ազատության մասին»  ՀՀ օրենքի դրույթներով, ուստի խնդրում ենք բոլոր հարցերը սահմանված կարգով գրավոր կերպով ուղարկել հետևյալ էլ.հասցեներին`press@yerevanzoo.am և info@yerevanzoo.am:

Տեղեկությունների տրամադրման  հայտ

Եթե ԶԼՄ  ներկայացուցիչները ցանկանում են նկարահանում իրականացնել Կենդանաբանական այգում, կկարողանան դա անել միայն նկարահանման համապատասխան թույլտվություն ստանալուց հետո, որի համար անհրաժեշտ է դիմել Երևանի քաղաքապետարանի մամուլի և հասարակայնության հետ կապերի բաժին և ստանալ համապատասխան թույլտվությունը, իսկ նկարահանման օրը և պայմանները հաջորդիվ  համաձայնեցնել Կենդանաբանական այգու հետ:

Կենդանաբանական այգու աշխատանքային բոլոր օրերին Կենդանաբանական այգու մամուլի պատասխանատուները կփորձեն նկարահանումների իրականացման գործընթացը կազմակերպել հնարավորինս ողջամիտ ժամկետում:

Անվտանգության նկատառումներից ելնելով` նկարահանող թիմին պետք է ուղեկցի Կենդանաբանական այգու մամուլի պատասխանատուն և/կամ այլ աշխատակից:

Եթե մամուլի ներկայացուցիչները ցանկանում են նկարահանումներ կատարել Երևանի կենդանաբանական այգում վավերագրական, գեղարվեստական կամ 10 րոպեից ավելի տևողությամբ ֆիլմի համար, խնդրում ենք տեղեկացնել Երևանի քաղաքապետարանի մամուլի և հասարակայնության հետ կապերի վարչություն նախօրոք` ներառելով նկարահանվող նախագծի թեման և հեռարձակող լրատվամիջոցի կամ թողարկող ընկերության անվանումը:

Ցանկացած նկարահանում իրականացնելիս խնդրում ենք հաշվի առնել, որ Կենդանաբանական այգին առանձնահատուկ կառույց է, ուր պահվում են վայրի կենդանիներ և ունի անվտանգության և կենդանիների բարեկեցության ապահովման առաջնահերթություն: